Санжар Оспанов ForteFinance Басқарма Төрағасы болып тағайындалды

Санжар Оспанов «ForteFinance» АҚ Басқарма Төрағасы болып тағайындалды. Оның кандидатурасы Қазақстан Республикасының Қаржы нарығын реттеу және дамыту агенттігімен (ҚНРДА) келісілді.
Санжар Оспанов — капитал нарықтарында 12 жылдан астам жұмыс тәжірибесі бар инвестициялық банкинг саласының маманы. Ол Қазақстандағы бірқатар ірі мәмілелерді ұйымдастыруға және жүзеге асыруға қатысып, олардың кейбіріне жетекшілік етті. Осы мәмілелердің бірқатары EMEA өңірінде (Еуропа, Таяу Шығыс және Африка) үздік деп танылды.
Оның қатысуымен клиенттер халықаралық және қазақстандық капитал нарықтарында 100-ден астам жария орналастыру аясында 25 млрд АҚШ долларынан астам қаржы тартты.
Санжар Оспанов сондай-ақ Қазатомөнеркәсіп, KEGOC, ҚазМұнайГаз және Air Astana компанияларының акцияларын бастапқы жария орналастыру (IPO), сондай-ақ KEGOC пен Қазатомөнеркәсіптің акцияларын қайталама жария орналастыру (SPO) бойынша кеңесші командалардың құрамында жұмыс істеді.