ForteFinance — 6 жыл
2026 жылғы 29 шілдеде «ForteFinance» АҚ-ның құрылғанына алты жыл толды.
Компания 2020 жылғы 29 шілдеде «ForteBank» АҚ-ның еншілес ұйымы ретінде құрылды. Сол жылы ForteFinance Қазақстан қор биржасының (KASE) «қор» және «деривативтер» санаттары бойынша мүшесі атанды.
ForteFinance брокерлік қызметтерді, активтерді басқару және корпоративтік қаржы саласындағы қызметтерді ұсынады. Компанияның ҚНРДА және AFSA лицензиялары бар, сондай-ақ ол KASE және AIX биржаларының мүшесі.
2025 жылдың қорытындысы бойынша компанияның қатысуымен орналастырылған бағалы қағаздардың көлемі 2,0 млрд АҚШ долларын, сауда-саттық көлемі 304 млн АҚШ долларын құрады. 2026 жылғы 1 қаңтардағы жағдай бойынша клиенттердің активтері 2,9 млрд АҚШ долларына жетті. 2025 жылдың қорытындысы бойынша ForteFinance AIX Partners Awards сыйлығының Best Lead in Eurobonds номинациясында марапатқа ие болды.
2026 жылы компания Еуразиялық даму банкінің 121,6 млн АҚШ доллары сомасындағы облигацияларын орналастыруда бірлескен андеррайтер, сондай-ақ Қазақстанның Даму Банкінің 230 млрд теңгелік еурооблигациялар шығарылымында қазақстандық менеджер және бірлескен букраннер болды.
Клиенттеріміз бен серіктестерімізге сенімдері үшін алғыс айтамыз!